Skip to main content

Tag: Ordizia

Peribidea SL-Gi 66

Written by Goitur on . Posted in Senderismoa.

PERIBIDEA: BI MUNDU LOTZEN DITUEN IBILBIDEA

Ibilbide honekin, landa eremuko paisaia atlantikoan txertaturiko Gaintza eta izaera hiritarra duen Ordizia lotuko dituzu. 500 urte baino gehiagoan, gure arbasoek bidezidor hauek erabili zituzten bi mundu horiek lotzeko. Peribidea ez dugu ulertu behar bide bakar gisa, bide-sare gisa baizik: Gaintza, Baliarrain, Altzaga eta Aramako herrigune eta baserriak haien artean lotzen zituen bide-sarea zen; baita Goierriko gune industrial eta komertzialekin lotzekoa ere.

Peribideak, beraz, lotu egiten gaitu: lotzen gaitu gure historiarekin eta istorioekin, lotzen gaitu gure arbasoekin eta ondorengoekin, lotzen gaitu gure lurrarekin eta erroekin, baina lotura horiek ez gaituzte mugatzen. Aitzitik, lagundu egiten digute garenaren oinarriak munduaren aurrean ezartzen. Bide honen erabiltzaileak eta inguratzen duten paisaiak aldatu egin dira mende hauetan guztietan; ez gara ginen berberak, baina orain gara eta bihar izango dira, izan zirenengatik. Eraiki dezagun elkarrekin Peribidean barrena, pausoz pauso, gure izatea eta geroa.

Garaian garaiko eta lekuan lekuko produktuak

Bost mende hauetan, baserriek garaian garaiko eta lekuan lekuko produktuz hornitu dute Ordiziako azoka. Urteak pasa ahala, azokako produktuen zerrenda ez da finko mantendu, ordea, eta azoka, gure gizartean izan diren kontsumo-ohituren aldaketen isla (eta batzuetan eragile) izan da.

Azoka, harreman komertziala baino gehiago

Produktu horiek ez ziren salmentarako gaiak soilik: baserritarren diru-sarrera nagusietako bat izatez gain, azokako harreman komertzialek bizirik mantentzen zituzten eskualdeko ekonomia eta harreman sozialak. Horrek lagundu egin zuen eskualdeko gizartea kohesionatzen eta identitate kolektiboa garatzen. Azpimarratzekoa da emakumeek baserrietan izan duten zeregina; izan ere, azokan produktuen salmenta zuzena haiek egiten zuten, eta beraz, baserrietako ekonomia kudeatzeko ardura ere bazuten. Ibilbide honek izan nahi du, halaber, baserrietako emakumeek eskualdeko gizartearen garapenari egin dioten ekarpenaren aitortza.

Goierri Goxo

Written by Goitur on . Posted in Alojamenduak, Erabilera turistikoko etxebizitza.

Goierriko bihotzean kokatua, Goierri-Goxo etxebizitza Ordiziako leku pribilegiatu batean dago, 750 urtetik gorako historia duen eta Euskadi bisitatzeko oso ondo komunikatuta dagoen Erdi Aroko herri batean kokatuta. Etxebizitza Ordiziako alde zaharretik 200 m-ra eta tren geltokitik 350 m-ra dago.

Izenak ondo adierazten duen bezala, espazio zabalak dituen etxebizitza da, oso abegitsua eta argitsua. Historiaz beteriko ingurune batean lasaitasuna, kultura eta gastronomia bilatzen dutenentzat aproposa.

Etxeak guztiz hornitutako sukaldea, egongela erosoa, dutxa duten 2 bainugela eta 3 logela eroso ditu atsedena bermatzeko; balkoi eguzkitsua ere badu. WiFi konexioa, berogailua eta idazmahaia ditu, telelanerako ezin hobeak. Beraz, behar adina erosotasun ditu egonaldi labur eta luzeetarako, egonaldian etxean bezala senti zaitezen. Gainera, lorategi partekatuaz gozatzeko aukera dago.

Gehienezko okupazioa 5 pertsonakoa da eta gutxieneko egonaldia 2 gauekoa.

Lizentzia zenbakia: ESS03470
Herria: Ordizia
Salneurriak: 100€-tik aurrera
Tel: 607 237 923
E-mail: goierrigoxo@gmail.com

Legorreta-Ormaiztegi bidegorria

Written by Goitur on . Posted in Bizikleta familian.

Legorretatik Ormaiztegira doan bidegorria, Itsasondo, Ordizia eta Beasaingo herrietatik igaroz. Bizikletaz, oinez, patinekin nahiz bestelako tresnekin egin daiteke ibilbidea.

Legorreta-Zegama bidegorria

Written by Goitur on . Posted in Bizikleta familian.

Legorretatik Zegamara doan bidegorria, Itsasondo, Ordizia, Beasain, Olaberria, Idiazabal eta Segurako herriak igaroz. Bizikletaz, oinez, patinekin nahiz bestelako tresnekin egin daiteke ibilbidea.

Ordizia – Lazkaomendi – Lareo – Ataun – Ordizia

Written by Goitur on . Posted in BTT.

Ibilbide zirkular hau Ordiziako herrigunean hasi eta amaituko dugu.
Ordiziatik Lazkaomendira abiatuko gara Lazkaoko bidetik. Lazkaomendin, eskola zaharra dagoen ingurutik, Aralar eta Aizkorri mendizerren bista bikainak ditugu. Eskola zaharretik eskubira joko dugu baserri arteko bide batetik: pista batean bihurtzen den bide honetan lau iturri aurkituko ditugu; laugarrena Intxusti iturrira izango da.
Intxusti iturritik aurrera Aralarreko Mendizerraren ingurunean barneratuko gara kota altuenak gure begien aurrean ditugularik. Kilometro hauek dira ibilbideko kotarik altuenak, izan ere, Errekabeltzetik aurrera berehala Lareoko urtegi ingurura jaisten hasiko gara eta. Zati honetan bizikleta eskuan eraman beharko dugu tarteka harri ugari baitaude. Lareoko urtegiko urek Ataungo herria hornitzeko balio dute eta gure ibilbideak Ataunerantz jarraituko du bost kilometroko pista batetik; pista amaitzean Ataungo Aia auzora jaitsiko gara errepidetik eta bertatik beherantz jarraituko dugu Lizarrustiko portu hasierara arte. Ibilbidearen azken kilometroak errepidez egingo ditugu etaAtaun San Gregorio, Ataun San Martin eta Lazkaotik igaroko gara.
Azkenik, Ordiziara iritsiko gara ibilidea itxiz.

d´Elikatuz

Written by Goitur on . Posted in Informazio guneak.

d´Elikatuz

Oficina de turismo de Ordizia

d´Elikatuz – centro de la alimentación y gastronomía y centro de interpretación del Goierri

Horario:
• Temporada alta (Semana Santa dos semanas, julio y agosto, dos semanas de Navidades, puentes y todos los domingos del año), 10:00 – 13:00 / 16:00 – 19:00.
• Sábados, domingos y festivos, 11:00 – 14:00 / 16:00 – 19:00
• Temporada baja: martes – viernes 9:00 – 13:00. Sábados y festivos 10:00 – 14:00
Idiomas: Euskera, Castellano, Inglés, Francés.
Entrada: 3,20 €
Dirección: Casa Barrenetxe, Santa María 24
Teléfono: 943 88 22 90
E-mail: turismo@ordizia.eus
Web: www.delikatuz.com
Wifi: si
Puntos de interés

Museos y centros de interpretación

Más museos y centros de interpretación

Continue reading

Erro

Written by Goitur on . Posted in Gida zerbitzuak.

Ordizia herrian kokaturik dagoen gida zerbitzua eta 1512. urtetik ospatzen den Ordiziako azokaren inguruan zerbitzuak eskaintzen dituzte. Era guztietako zerbitzuak eta bisitak eskaintzen dira.

Hizkuntzak: Euskera, Gaztelera, Ingelesa.
Helbidea: Santa Maria kalea, Ordizia.
GPS: 43.054198, -2.178383
Tel: 943 882 290
Email: delikatuz@delikatuz.com
Web: www.delikatuz.com

kode eti

Otatza Gaztandegia

Written by Goitur on . Posted in Ekoizleak.

Artzaiaren laguntzarekin Idiazabal gaztaren ekoizpena nola den ikusi eta ezagutu dezakegun gaztandegi tradizionala.
Artegian ardiak ikusteko aukera izango dugu eta udaberri eta udarako sasoiean, Aralar Parke Naturalean kokatuta dauden bordak ezagutzeko aukera izango dugu, bertan artzaiak eta ardiak nola bizi diren ikusiz.
Bertako dendan eskualdeko produktuak erosteko aukera izango dugu.

Jarduera: Idiazabal gazta egiten duen gaztandegia / Ardiak.
Helbidea: Otatza baserria, Ordizia.
Ordutegia: asteartetik ostiralera 10:00etatik 13:00etara. Gainerakoak, hitzordua hartuta.
GPS: 43.057732, -2.174971
Tel: 661 923 670
Email: josebainsaus@gmail.com

Ordizia

Written by Goitur on . Posted in Herriak.

Goierri

Herriak

Ordizia

Ordizia Ertaroko hiribildu bat da, eta Donostiatik hain gertu egoteak, 30 minutu, derrigorrezkoa egiten du herria ezagutzea. Ezagutu bere azoka ezaguna, bere azoka gastronomikoak eta bere alde zaharreko arkitektura.

Azoka asteazkenero ospatzen da 1.512. urtetik eta ekoizle eta erosleen arteko elkartze bat da. Bisitari bezala mota askotariko postuak aurkituko dituzu kalitate ezin hobeko produktuekin. Herrian, nortasun eta karakter handikoa, ekintza herrikoi ugari egiten dira. Bisitatzen duzunean agian danborrada ikusteko aukera izango duzu, edo bere urteroko festak edo Idiazabal gazta txapelketaren bat.

Sartu herriko webgunean herriko mapa, ibilbide autogidatua eta bisita gidatuen eskaintza deskargatzeko.

Interesguneak

Museoak eta interpretazio zentroak

Planifikatu zure bidaia

Alojamenduak eta non jan

Continue reading

© Goierri Turismo. All rights reserved