Zegama-Aizkorri maratoia & Ehunmilak

Mendi lasterketak

Goierrin kirola eta natura nahastu egiten dira. Bere izena mundu mailan garrantzia duten frogetan entzuten da: Zegama-Aizkorri maratoia, mundu koparako puntuagarria (12000 eskaera baino gehiago zozketatzen dira 225 dortsalentzako!) edo Ehunmilak Ultra-Trail, 167 km dituen lasterketa bat eta 2 egunetan bertako eta nazioarteko korrikalariak biltzen dituena. Goierriko bi haundiak 88 kilometro dauzka eta egun batean ospatzen da 500 korrikalariekin, eta marimurumendi maratoia, 2 ultra hauek ospatzen diren asteburuaren barne egiten dena edozein korrikalariri parte hartzeko aukera emanez.

Zegama-Aizkorri

Adituek diote Zegama-Aizkorri berezia dela, munduko mendi maratoi ezagun eta hobenetariko bat. Lokatza eta hotza dira bere funtsa. Kilian Jornet-ek, Rafa Nadal-ek Roland Garros-a bezain besteetan irabazi duen korrikalariak, hamaika garaipen!, hauxe dio: “Zegama Zegama da, nire bihotzean daramadan lasterketa”.

Oso teknikoa eta zailtasun handikoa, gaur egun mundu mailako lasterketagarrantzitsuenetarikoa da disziplina honetan. Honen erakusgarri, urtero bertaratzen diren mundu mailako korrikalariak eta kirolarien artean sortzen duen ikusmina. 2023ko Gold Trail National Series izan zen eta 225 dortsal zozketatu ziren 15.000 eskaeren artean. Golden Trail World Series zirkuitua osatzen duten 6 frogetako bat da, non munduko korrikalari onenak biltzen diren. Gainera, Espainiako Golden Trail National Series zirkuituko 5 frogetako bat da.

Zegama-Aizkorri Mendi Maratoia Aizkorri-Aratz Parke Naturalean egiten da 2002. urtetik, eta Zegaman hasi eta bukatzen da. Herri osoa murgiltzen da beraien ekitaldi garrantzitsuenaren antolakuntzan. Zegama eta Aizkorri-Aratz Parke Naturaleko giroa bikaina da asteburu horretan.

Ibilbidea mendi ertainekoa da, eta Euskadiko lau tontor garaienak lotzen ditu (Aratz – Aizkorri – Aketegi), Aitxuri mendia barne (1.551 metro), Euskal Herriko tontorrik altuena!

Zegamatik (296 m.) Otzaurte gainera (652 m.) igotzen da, mendi-bide ederretan zehar barrena. Pagadi, haitz biziko gune malkartsu eta altuerako larreen artean egiten da korrika.

Ultra diziplinan, estatu mailako egutegiko garrantzitsuenen artean dauden bi proba ditu Goierriko eskualdeak. Zaleek Ehunmilak Espainiako Ultra onena bezala saritu dute.

Ehunmillak Ultra-trail

Beasainen hasi eta amaitzen da, eta 170 kilometro eta 11.000 metroko desnibel positiboa ditu. Gipuzkoako 30 udalerritatik igarotzen da, Aralar eta Aizkorri-Aratz Parke Naturalak zeharkatuz. Ibilbidearen %60 bidezidorra da eta %33 pista. Probaren gogortasunaz ohar zaitezen, helmugara iristen den lehen parte-hartzaileak korrika egin ondoren egiten du ia egun oso bat (22 ordu) eta azkenak 48 ordu inguru.

Goierriko 2 Haundiak

Beasainen hasi eta amaitzen da, eta 90 kilometro eta 6.000 metroko desnibel positibo ditu (%70 bidezidorra eta %25 pista). Goierriko eskualdea eta Euskal Herriko bi tontor enblematikoenak zeharkatzen ditu: Aizkorri eta Txindoki. Lehen lasterkariak 10 ordu behar izaten ditu lasterketa amaitzeko eta azkenekoak 22.

Marimurumendi Maratoia

Marimurumendi Maratoiak korrikalari guztiei lekua egiten die: ultratrailen asteburuan, 42,195 kilometroko eta 2.300 m-ko desnibel positiboa dituen mendi maratoia ospatzen da ere. Beasain inguruko Mari jainkosa bizi den mendi eta bidezidorrak zeharkatzen ditu, Goierriko mitologiari bizia ematen dion pertsonaietako bat. Mitologia, kirola eta natura biltzen dira mmm-n!