Planak

Gure proposamen guztiak ikusi

Goierri Gipuzkoa barnealdeko bihotz berde eta benetakoa da, denborak beste erritmo bat daramala dirudien txokoa. Kostaldeko zalapartatik deskonektatu nahi baduzu, hemen aurkituko duzu euskal nortasun puruena gordetzen duten bailara sakonak eta mendi mitikoak. Helmuga ezin hobea da hondartzetatik haratago bizitza dagoela deskubritu nahi dutenentzat, txoko bakoitzean arnasarik gabe uzten zaituzten paisaiekin.

Gipuzkoan zehar planak bilatzean, askotan azalean geratzen gara, baina gure lur garaietan barneratzeak benetako esperientziak bizitzeko aukera ematen du. Goierriko planek belar freskoaren usaina dute, Erdi Aroko hiribilduetako milaka urteko harriena eta jakina, Idiazabal gaztarik onenarena. Derrigorrezko geldialdia da Euskadin zure planak antolatzen ari bazara eta artzaintzaren kultura eta naturaren indarra bertatik bertara ezagutu nahi badituzu.

Aralar eta Aizkorri-Aratz tontorretatik betiko azoka eta merkatuen zalapartaraino, gure eskualdeak ihesaldi ezberdin eta zintzoa eskaintzen dizu. Presta zaitez botak jantzi eta erakusteko asko duen eskualde honekin harrituta geratzeko.

Goierrin egiteko planak

Goierrin egin daitezkeen planak, gorputzak une bakoitzean eskatzen dizunari egokitzen zaizkio. Botak jantzi ditzakezu gailur esanguratsuenetara igotzeko, ekoizleak protagonistak diren mendeetako historia duten azoketan barrena ibiltzeko, edo duela ehunka urte nola bizi ginen eta nola lan egin genuen kontatzen dizuten museoak ezagutzeko. Arratsalde lasai batean artisau-gaztandegi bat bisitatzetik, natura bete-betean murgiltzeko aukera ematen duen abentura-jardunaldi bat…, hemen beti aurkituko duzu gure lurraren parte sentiaraziko zaituen benetako esperientzia bat.

Umeekin edo familiartean egiteko planak

AUKERATZEKO ETA GOZATZEKO JARDUERAK

Bikote edo lagunekin egiteko planak

Ibilbideak eta senderismoa

Ihesaldi aktibo baten bila dabiltzanentzat, Goierrik erronkaren eta kontenplazioaren arteko oreka perfektua eskaintzen du. Pagadi amaigabeak zeharkatzen dituzten bidezidorrak aurkituko dituzte taldeek eta bikoteek Aralar eta Aizkorri-Aratz parke naturaletan, Urbiako zelaietan derrigorrezko geldialdiak eginez.

Patxada nahiago baduzu, Mutiloa-Ormaiztegiko Bide Berdea ezin hobea da meatze-bide zaharretik ibiltzeko. Zikloturismoak ere badu bere lekua, BTT ibilbideak gure parke naturaletan eta portu enblematikoetan barrena doazen errepideak. Zorrotzenentzat, mendi lasterketen santutegia dira Zegama-Aizkorriko bidezidor teknikoak. Zalantzarik gabe, Euskadin naturarekin oinez edo gurpilen gainean berriro konektatzeko planik onenetako bat da.

Herriak eta Ondarea

Garrantzia duen kultur ihesaldi baten bila dabiltzan talde eta bikoteentzat, Goierri euskal esentziaren museo bizia da. Segurako Erdi Aroko hirigunean paseatzeak edo Ordiziako jauregiak ikustea, hiribildu horien pisu historikoa ezagutzeko aukera ematen du, giro lasaian eta pilaketarik gabe.

Eskaintza, landa gune eta iragan industrialera eramango gaituen Beasaingo Igartzako Monumentu Multzoa, edo Ormaiztegiko Zumalakarregi Museoko ezinbesteko geldialdiekin osaten da. Mitologia nahiago dutenentzat, Ataungo Barandiaran Museoak inguru magiko eta lasaia eskaintzen du. Historia, arkitektura eta kondairak ezin hobeto konbinatzen dituzten Gipuzkoako planak dira, lurraldea ezagutzen den bitartean elkarrizketa patxadatsu batez gozatzeko aproposak.

Gastronomia eta azokak

Goierri da Gipuzkoa barneko helmuga gastronomiko nagusia. 1512tik asteazkenero ospatzen den Ordiziako Azoka leku ezin hobea da baserritarren postuen artean paseatzeko eta garaiko produkturik onenak giro bizi eta jatorrean ezagutzeko.

Esperientzia Idiazabalen osatzen da, Gaztaren Interpretazio Zentroak gure bitxi preziatuenaren sekretuak erakusten dituen lekua. Bazkari patxadatsuaz gozatzen dutenentzat, eskualdeko lau sagardotegiek bizirik mantentzen dute txotx-aren ohitura. Beasaingo odolki famatuarekin batera, Euskadiko plan hauek lasaitasunez jaki eta otordu ederretaz gozatzeko daude eginak. Mutiloa-Ormaiztegi ezin hobea da antzinako meatze-bidetik ibiltzeko, desnibel handirik gabe. Bestalde, mendian korri egitea maite dutenek hemen dute santutegia: Zegama-Aizkorriko bidezidor mitiko eta teknikoetan proba daitezke. Zalantzarik gabe, Euskadiko planik onenetakoa da oinez naturarekin berriro konektatzeko.

Aire librean ekintzak

Patxada nahiago baduzu, Mutiloa-Ormaiztegiko Bide Berdea ezin hobea da meatze-bide zaharretik ibiltzeko. Zikloturismoak ere badu bere lekua, BTT ibilbideak gure parke naturaletan eta portu enblematikoetan barrena doazen errepideak. Zorrotzenentzat, mendi lasterketen santutegia dira Zegama-Aizkorriko bidezidor teknikoak. Zalantzarik gabe, Euskadin naturarekin oinez edo gurpilen gainean berriro konektatzeko planik onenetako bat da.

Zergatik etorri Goierrira?

Natura eskura

Hemen ez duzu mendizale aditua izan beharrik inguruaz gozatzeko. Haranetatik, erreka gardenetatik eta baserriez zipriztindutako paisaietatik eramaten zaituzten bidexka irisgarriak dituzu. Bizirik mantentzen den landa-ingurune batean erabateko deskonexioa da.

Benetazkoa eta masifikaziorik gabe

Betiko ibilbide turistikoetatik ihes egin nahi baduzu, hau da zure lekua. Gure herrietan lasaitasuna eta benetako euskal nortasuna aurkituko dituzu, pilaketarik gabe, gure jendearen abegikortasunaz zeure erritmoan gozatu ahal izango duzu.

Pulamentuzko gastronomia

Ondo jatea sakratua da Goierrin. Herriko azoketako girotik, sagardotegira edo pintxo ibilbide eder batera.

Hiriburuetatik gertu

Goierriko onena da uste baino askoz gertuago daudela. Donostiatik 30 minutura edo Bilbotik 50 minutura, atzean uzten duzu hiriko zarata, natura erdian planto egiteko.

Noiz etorri?

Urteko edozein une da aproposa Goierri deskubritzeko, urtaro bakoitzak paisaia eta agenda eraldatzen baititu.

Negua

Neguak gure benetako lau sagardotegietan aterpetzera gonbidatzen gaitu, bertako giroaz eta txotx-az gozatuz. Udaberriarekin batera, ortuak eta Ordiziako Azoka kolore berezi batean lehertzen dira, postuen artean paseatzeko aproposa.

Udaberria

Udaberriarekin batera, ortuak eta Ordiziako Azoka kolore berezi batean lehertzen dira, postuen artean paseatzeko aproposa.

Udara

Uda da Aralar eta Aizkorri-Aratz tontorrak konkistatzeko urrezko garaia, pagadien freskotasunaz eta gure plazak biziz betetzen dituzten jai herrikoiez gozatuz.

Udazkena

Udazkena da ondo jatea gustuko dutenentzako hitzordu nagusia, gure lurraldeko onena ospatzen duten azoka gastronomikoekin.

Nola iritsi?

Goierrira iristea erraza da Gipuzkoaren bihotzean, N-1 errepidearen ardatzean (Madril-Irun), duen kokapen estrategikoari esker. Konexio pribilegiatu horrek hiriburu nagusietatik pauso batera jartzen gaitu: Donostiatik 30 minutura gaude, Vitoria-Gasteiztik 40 minutura eta Bilbotik edo Iruñetik 50 minutura. Jomuga ezin hobea da errepidean orduak eman gabe benetako ihesaldia bilatzen dutenentzat.

Garraio publikoa nahiago baduzu, eskualdea oso ondo komunikatuta dago Donostia, Gasteiz, Bilbo eta Iruñearekin, autobus-linea erregularren eta Madril-Irun trenbide nagusiaren bidez. Behin hemen, mugikortasuna bermatuta dago Lurraldebusen tokiko garraio sareari esker (Mugi sisteman integratuta) eta tokiko taxi zerbitzuari esker, bailara eta hiribildu bakoitza erosotasun osoz eta ibilgailu propiorik gabe esploratzeko aukera emanez.

30 min
Donostiatik

40 min
Vitoria-Gasteiztik

60 min
Bilbotik

60 min
Iruineatik

FAQ

Zer da Goierri eskualdea?

Gipuzkoaren bihotzean kokatua, benetako euskal kultura irudikatzen duen eskualdea da Goierri. Baserrietako landa-bizitza historia industrial bizi batekin orekatzen du Goierrik. Aralar eta Aizkorri-Aratz parke naturaletan Erdi Aroko hiribilduak, ehun urtetik gorako azokak eta Idiazabal Gazta buru duen mundu mailako gastronomia daude.

Zer egin daiteke bikotearekin Goierrin?

Ihesaldi originalak bilatzen dituzten bikoteentzat, erromantizismoaren, naturaren eta mahai onaren arteko oreka ezin hobea eskaintzen du Goierrik. Segurako Erdi Aroko ibilbidetik gal zaitezkete, edo Mutiloa-Ormaiztegiko Bide Berdean barrena paseo lasai bat egin dezakezue, meatzaritzako paisaiak elkarrizketarako gonbita eginez.

Zenbat denbora behar da Goierri ezagutzeko?

Talde eta bikoteentzat egokiena gutxienez asteburu oso bat ematea da. Bizpahiru egunek aukera ematen dute azokak ezagutzeko eta Aralar edo Aizkorri-Aratz parke naturaletako ibilaldi lasai bat egiteko.

Denbora gehiago izanez gero, lau eguneko egonaldi batek gure historia industrialean sakontzeko aukera emango dizue Igartzako Multzoan, Idiazabal Gaztaren sekretua deskubritzeko eta gure benetako lau sagardotegietan txotxaren erritualaz presarik gabe gozatzeko. Goierri patxadaz dastatzeko helmuga da, eta txoko bakoitzak bertan geratzera eta paisaiaz gozatzera gonbidatzen du.

Planik egiterik ba al dago neguan Goierrin?

Goierriko negua, nortasun handiko sasoia da. Une ezin hobea da gure lau sagardotegien goxotasunean babesa bilatzen duten talde eta bikoteentzat, txotxaren errituala bertako giro ezin hobean gozatuz.

Horrez gain, euria egiten duen egunetan, gure ondarea sabai azpian deskubritzeko gonbitea egiten dute, Idiazabal Gaztaren Interpretazio Zentroa edo Igartzako Monumentu Multzoak. Aralar eta Aizkorri-Aratz tontor elurtuek postaleko irudiak eskaintzen dituzte neguko mendi-ibilaldiaz gozatzen dutenentzat ezin hobeak, Beasaingo odolki plater eder batekin edo suaren ondoko parrillada batekin indarrak berreskuratu baino lehen . Zaporearen eta ohituren urtaroa da.

Planak

Gure proposamen guztiak ikusi