Euskaldunok mendiarekiko zaletasun haundia dugu eta Goierrin 2 lasterketa ditugu mundu mailan erreferente: Zegama-Aizkorri maratoia eta Ehunmilak Ultra-Trail (asteburu berean G2h trail eta mmm maratoia ospatzen dira). EH Trail Guneak 5 sarrera ditu: Abaltzisketa (Tolosaldea), Baigorri (Baigorri), Uharte-Arakil (Sakana), Zeanuri (Gorbeia) eta Zegama (Goierri).
Abaltzisketa-tik: Aralar-ko Parke Naturaletik sarrera.
Zegama-tik: Aizkorri-Aratz Parke Naturaletik sarrera, Gipuzkoa eta Araba arteko benetako mendi-harresia, euskal mendizaletasunaren erreferentzia.
Uharte-Arakil-dik: Aralar-ko Parke Naturaletik eta Urbasa eta Andia-ko KBE eremua.
Baigorri-tik: Aldude-ko haranetik sarrera.
Zeanuri-tik: Gorbeia-ko Parke Naturaletik sarrera.
Bere ondasun kulturala izugarria da: trikuharri, kobazuloak eta Erdi Aroko galtzadak. 16 ibilbide daude bi Parke Naturaletan barrena. Gipuzkoako zatiko bi sarrerak (Zegama eta Abaltzisketa) 35 km-ko ibilbide batek lotzen ditu, Aralar eta Urbasa-Andia hegoaldeen artean banatzen diren Sakanako 5 ibilbidez gain. EH Trail Guneak Aizkorri, Txindoki eta Beriaingo kilometro bertikalak eskaintzen ditu, baita Zegama-Aizkorri maratoiaren ibilbide osoa eta Ehunmillak Ultra-Trailaren ibilbidearen zati bat ere.
Baigorrin Alduideko mendi ikusgarriak zeharkatzeko aukera izango dugu, 12 ibilbideetan zehar zirrara eragingo digutenak. Zeanuritik, Orozkotik eta Ubidetik Gorbeiako Parke Naturala ezagutzeko aukera dugu 9 ibilbideren bidez.
Sarrera bakoitzean dutxak eta aldagelak daude. Aditu talde bat dago baita ere, eliteko korrikalariak tartean, entrenamendu zerbitzuak eskaintzeko. Nahiz eta ibilbideak seinalizaturik dauden, derrigorrezkoa da GPS-a erabiltzea; eguraldi txarrak bertako korrikalariei ere asko zailtzen die bertan ibiltzea.
