Paisaia kulturala

Zerain

Museo Etnografikoa. Museo txiki honek Goierriko herri honetako ohitura eta bizimoduaren berri ematen digu. Zeraingo diaporama bat jartzen da bisitaren hasieran eta erakusketa dator ondoren: altzariak, tresnak, dokumentuak,…eta beste hainbat elementuen bidez Zeraingo historiari errepaso bat egiten zaio. Erakusketa honetako gailu guztiak zeraindarrenak dira eta herriko historia isladatzen dute: hastapeneko nekazaritza eta artzantza, ondorengo meatzaritza eta azkenik, gaur egungo ohiturak.
ORDUTEGIA
-Asteartea-osteguna: 10:30-14:00
-Ostirala: 10:30-14:00 eta 16:00-18:30
-Larunbata eta igandea: 10:30-14:00
-Jai, zubi bezperak eta Aste Santua: 10:30-14:00 eta 16:00-18:30
-Uztaila eta abuztua: astelehena-igandea 10:30-14:00 eta 16:00-18:30
SARRERA. Turismo bulegoan galdetu behar da, prezioa helduentzat 3€koa da eta haurrentzat 2€.
Email-a: turismobulegoa@zerain.eus
Telefonoa: (+34) 943 80 15 05 / 649 946 277

Zerrategi hidraulikoa. 1890. urtean eraikia, Larraondoko zerrategiak Lasurtegi errekako urari esker martxan jartzen zen. Uraren indarrak hainbat tresna mugiarazten zituen: bi zerra, tornua, eskuila, esmerila, zorroztarria, zulatzeko gailua, errotarria eta sutegia. 1960. urtean itxi zen Larraondoko zerrategia, baino gaur egun oraindik garai bateko mekanismoa martxan ikus daiteke.
Astebururo eta jai egunetan, bisita gidatuak egiten dira Zeraingo turismo bulegotik. Honakoa da bisita gidatuak egiteko ordutegia:

Aizpeako Meategiak	Euskaraz	10:45
Larraondoko Zerrategia	Elebiduna	12:00
Aizpeako Meategiak	Gazteleraz	12:45

*Erreserba gutxienez 48 orduko aurrerapenarekin egin beharko da eta gutxieneko talderik (6pertsona) sortzen ez bada bertan behera geratuko da.

TELEFONOA: (+34) 943 80 15 05 / 649 946 277
EMAILA: turismobulegoa@zerain.eus

Kartzela. Kartzela edo ziega Udaletxearekin batera eraiki zen 1711. urtean. Gipuzkoan zutik dirauen XVIII. mendeko kartzela bakarra da. Pasoko kartzela izan zen Zerainen bi galtzada garrantzitsu elkartzen zirelako. Bertan, Zeraingo meatze gunetan lan egitera behartuta zeuden presoek egiten zuten lo; gaur egun ikus ditzakezun eraztunak eta loturak presoak kateatzeko erabiltzen ziren.