Seguran aurkitzen den ibilbide zirkular hau hiribildutik, baserri arteko auzo batetik eta Oria ibaiaren ertzetik igarotzen da eta bertan hiribilduko ezaugarri nabarmenenak islatzen dituzten gai desberdinetako panelak aurkituko dituzu: inguratzen duen natura, Erdi Aroko egitura, Santiagoko Bidea, merkataritza, uraren erabilerak…
Guztiek, Segura eskualde mailan garrantzi handiko hiria zeneko garaira eramaten gaituzte.
Legorretatik Zegamara doan bidegorria, Itsasondo, Ordizia, Beasain, Olaberria, Idiazabal eta Segurako herriak igaroz. Bizikletaz, oinez, patinekin nahiz bestelako tresnekin egin daiteke ibilbidea.
Segurako turismo bulegoa
Artzaiaren laguntzarekin eta bideo eta argazki batzuen bidez, Idiazabal gaztaren ekoizpena nola den ikusi eta ezagutu dezakegun gaztandegi tradizionala.
Aldameneko artegian ganadua ikusteko aukera izango dugu.
Bertako dendan eskualdeko produktuak erosteko aukera izango dugu eta artzaigintza eta gaztagintzari buruzko gauza gehiago ezagutu, bertan aurkitu dezakegun interpretazioan.
Gaztandegia, bertan lo egiteko nekazalturismoa da baita ere.
Jarduera: Idiazabal gazta egiten duen gaztandegia / Ardiak.
Helbidea: Beheko Arrabala, Segura.
Ordutegia:hitzordua hartuta.
GPS: 42.996416, -2.233196
Tel: 689 192 508
Web: www.ondarre.com
Email: ondarresegura@gmail.com
Herriak
Urte askotan zehar, Gaztela eta Frantzia arteko ezinbesteko pasabide izan zen Segura eta garai hartako zenbait jauregi oraindik zutik diraute, Ardixarra etxea (Erdi Aroko Interpretazio Zentroa), Lardizabal Jauregia (Udaletxea), edo Jasokunde eliza adibidez. Herriak bere almendra egitura oso osorik mantentzen du.
Aste Santuan egiten diren prozesioengatik da ezaguna bereziki; Ostegun eta Ostiral Santu arratsaldean ateratzen diren pasoak hamar dira: ezagunena Jesus Gurutz iltzatuaren pasoa da, Juan Martínez Montañés Sevillako irudigilearena. Beste zenbait gertakizun aipagarri honako hauek dira: Nikolas deunaren eguna, Euskadiko dantza txapelketa eta bi urtez behin herria Erdi Arora eramaten duen Erdi Aroko festa.
