Dorre ikusgarri honetan bide bakarra aurkitu genezake. Artifizialeko marra da ausardiaz pareta gora egiten duena. Bakarka zabaldu zuen 1998-an Mikel Saez de Urabain eskalatzaileak. Harriaren kalitatearen aldetik harkaitz ona da orokorrean. Zulotxo ugari eta arrakala finak topatuko ditugu. Hegaztiek ere aprobetxatzen dituzte zuloak beren habiak egiteko. Oso ugariak dira hemen putreak, beleak…eta abar. Beraz errespetatu beharra dago beraien kumaldiak abendutik abuztu-arte. Interesgarria litzateke zona alpino moduan geratzea jendearen etorrera mugatzeko. Kirol eskalada ondoko guneetan egin dezakegu.