Esperientzia gastronomikoak Gipuzkoan

Tomate usaia duten tomateak

Ordiziako azoka Euskadiko produktuen gune garrantzitsuenetako bat da eta Goierriko historiaren zatia bat da. Erdi arotik eta asteazkenero mantentzen
den ohitura da, “Juana la Loca”ri esker, honek eman bait zion Ordiziako herriari, asteroko merkatu franko bat ospatzeko ahalmena.

Hemen tomateak inguruko baserrietako baratzetan hazten dira eta horregatik dute tomate usaina. Tomate usain eta zaporea baina baita ere errezil sagarra, udarea, arana, uraza, perretxiko, leka eta zerba, piperra eta tipula.

Gure artozko opilak

Taloak arto irinez, ura eta gatza apur batekin egiten diren opila goxo batzuk dira eta gure baserrietan ogi bezala erabiltzen ziren. Nola egiten diren ikasi nahi baduzu, Goierriko ondare historiko-artistikoko lekurik politenetako batean egin dezakezu, Beasaingo Igartzako Monumentu Multzoa Erdi Aroko Errotan, 1982ra arte martxan egon zen errota.

Umeekin egiteko plan ederra da: irina oratzen dute bola mardul bat eginez, kolpe gogor batzuk orea zanpatzeko eta plantxara. Taloak txokolatearekin jan daitezke edo baita Idiazabal gaztarekin ere.

Monumentu Multzora egiten den bisitan, jauregia, ermita, burdinola, zubia eta europan bakarra den XVI. mendeko egurrezko presa bat ikusi daitezke.

Dastaketa dibertigarriak

Goierriko artisau garagardoa leuna eta arina, poteatzeko ezin hobea.

2018an garagardoa egiten duen inguruko kooperatiba bakarra martxan jarri zuten 3 lagunek sortua, Goierrin bakarrik aurkituko duzun garagardo gozo eta merkea egitea lortu dute, urtean ekoizten dituzten 30.000 botilak eskualdean kontsumitzen dira eta.

Dastaketa eder bat egin dezakezu 10€-ren truke 7 garagardo mota dastatuz. Urtzik eta Markelek garagardoa nola egiten den azalduko dizute eta zenbait
sekretu azalduko dizkizute, adibidez garagardoaren aparraren mitoa edo lata edo botilan hobea den, baina beti ere edalontzia beteta duzula gozatuko duzu.”

Basabe garagardoa beste artisau garagardoak bezala hartu behar da, hau da, edalontzi zabal batean eta ez oso hotza. Zerbitzerakoan 3 laurden bota, botilaren ipurdian dagoen posoa mugitu zapore eta usainak ateratzeko eta bota hau ere edalontzira.

Ezagutu benetako baserri bat

Iztueta baserrian belaunaldiak daramatzagu lurretik eta gure abereetatik bizimodua ateraz. Lurrari loturiko jarduna da, gure arbasoen jakintza eta naturarekin zuten harreman zuzena mantentzen duena.

Ingurumena zainduz, gure abereen ongizatea bermatuz eta modu jasangarri eta duinean lan eginez, kalitatezko esnea lortzen dugu gure bezeroei elikadura osasuntsua eskaintzeko. Beti euskal baserria eta ondarea babestea jomugan.

Iztuetan gure baserria ezagutzera gonbidatu nahi zaitugu. Gure bizimoduaz gain, Lazkaomendiko paraje zoragarriak ezagutzeko aukera izango duzu, gure ikuiluak, idiak eta esnetarako behiak ikusi eta gure kalitateko produktuen dastaketa bat egin, hala nola gure yogurrak eta izozkiak.

Goierriko onena erakusteko erarik onena

Goierriko azoka gastronomikoak martxoaren 15ean hasten dira Zegaman, Erlezain Egunaren ospakizunarekin. Azoka honetan eztiaren inguruko hainbat gauza ezagutzeko aukera izango dugu.

Apirilaren 8an, Ordiziako Artzain Eguna ospatzen da. Artzaintzari eta gaztari buruzko ekitaldi honetan, Idiazabalgo gaztaren denboraldi berriaren aurkezpen ofiziala egiten da, eta, orokorrean, gonbidatua gastronomiarekin lotutako pertsona garrantzitsu bat izaten da. Egun horretan, Ordiziako asteazkenetako ezohiko 3 azoketako bat ospatzen da eta gainera, artaldeak herria zeharkatzen ikus daitezke, udako denboraldirako mendietarantz abiatzen direla erakusgarri gisa..

Maiatzaren 2an eta 3an, Idiazabalen Gazta Azoka ospatzen da, Euskal Herri osoan eta Nafarroan ekoizten den gaztaren JDB ezagunari izena ematen dion herrian. Euskal gaztak, mamia txapelketa herrikoia, gazta egiteko tailerrak, artisau-produktuen salmenta eta abarrek azoka hau ezinbesteko ekitaldia bilakatzen dute gaztazaleentzat.

Azoka gastronomikoen sasoi garrantzitsua, irailean hasten da.

Irailaren 9an Ordiziako Euskal Jaien egunik garrantzitsuena eta azoka berezia ospatzen dira. Nabarmentzekoa Idiazabal JDB gazta lehiaketa eta enkantea, sukaldaritza munduan oso ospetsua dena.

Zerainen Nekazaritza Ekologikoaren azoka ospatzen da irailaren 20ean. Ekoizpen ekologikoaren legeek araututako produktuak ezagutu daitezke: barazkiak, frutak, ogia, eztia, ardoa, gozokiak, gazta, sagardoa, olioa, txerrikiak, ernamuinak, kosmetika naturala, tinta naturalak eta abar.

Idiazabalen, urriaren 12an, Euskal Herriko Idiazabal artzain gaztaren txapelketa ospatzen da eta bertan gazta ezagun honen ekoizle famatuenak biltzen dira.

Mondejua Goierriko zenbait herrietan ekoizten den hestebetea da. Jakia, barazkiz eta ardi koipez eginiko odolki txuri bat da. Zaldian ekoizten da gehien eta ongien eta bertan ospatzen da Ardiki eguna, urriaren 25ean. Bertan Aralarko Idiazabal gazta txapleketa ere ospatzen da.

Zegaman cava festa ospatzen da eta 8 cava mota ezberdin dastatzeko aukera dago. Cava festa urriaren 30 eta 31an ospatuko da. Cava ezinhobeak dastatzeko aukera emango digun azoka ezberdina bat.

Odolki eguna Beasainen ospatzen da azaroaren 7an; kofradia duen jaki goxo bat, Burgosekoarekin zerikusirik ez duena -ez du arrozarik- eta euskal sukaldarien artean oso estimatua dena.

Txerri azoka Mutiloan ospatzen da azaroaren 8an eta bertan txerriarekin erlazioa duten hainbat produktu ikusi daitezke txorixo pintxoak, odolkia eta txerri errea dastatzean gain.

San Martingo ganadu azoka Zegaman (Aizkorri-Aratz Parke Naturalaren magalean) ospatzen da azaroaren 14ean, San Martin egunetik gertuenen tokatzen den igandean eta behiak, zaldiak, ardiak eta ahuntzak herriko jaun eta jabe egiten dira. Aizkorriko Idiazabal gazta txapelketa ere ospatzen da.

Errezil sagarrak Gabirian du bere egun handia azaroaren 15ean, sagarrondoei eta fruituari bideratutako azoka, gure sagardo bikainaren erakusgarri. Sagardo hau gure eskualdeko 4 sagardotegietan dastatzeko aukera izango duzu.

Azaroaren 29an Odolki eguna ospatzen da Ormaiztegin, Beasainekin batera produktu hau gehien ekoizten den herrian.